وزیر منصوبہ بندی وترقی احسن اقبال نے کہا ہے کہ ملک میں پائیدار ترقی کے اہداف کے حصول کیلئے غربت کا خاتمہ ناگزیر ہے ۔

جمعرات اسلام آباد میں ایک تقریب سے خطاب کرتے ہوئے انہوں نے عام آدمی کے مسائل کے حل کیلئےاجتماعی کوششیں کرنے پر زوردیا ۔

احسن اقبال نے کہاکہ غربت کے خاتمے کے ہدف کے حصول کیلئے تعلیم کے شعبے پر خصوصی توجہ دینے کی ضرورت ہے ۔

انہوں نے کہاکہ موجودہ حکومت سماجی واقتصادی چیلنجوں اور معاشرے کے پسے ہوئے طبقات کے مسائل سے نمٹنے کیلئے کوششیں کررہی ہے ۔

وفاقی وزیر نے کہاکہ ایس سی او کونسل آف ہیڈز آف گورنمنٹ اجلاس کے کامیاب انعقاد سے ملک کی مثبت امیج میں مزید بہتری آئی ہیں۔