پنجاب کی وزیر اعلیٰ مریم نواز شریف نے صوبے بھر میں عید الاضحی کے موقع پر قربانی کے جانوروں کی آلائشوں کوٹھکانے لگانے کے مشن کی کامیابی سے تکمیل پر خدمات عامہ کے اداروں کو مبارکباد دی ہے۔
انہوں نے آج ایک بیان میں کہا کہ عید الاضحی کے موقع پر حفاظتی انتظامات بھی اطمینان بخش رہے۔
انہوں نے صفائی برقرار رکھنے کے لئے عوام کے حکومت سے تعاون کو بھی سراہا۔
وزیر اعلیٰ نے کہا کہ شہروں کی تزئین و آرائش اور صفائی کا عمل اسی جذبے اور لگن سے جاری رہنا چاہیے۔
