وزیر خزانہ ڈاکٹر شمشاد اختر نے معیشت کے استحکام کے لئے ٹیکس کا دائرہ کار بڑھانے اور توانائی کے شعبے کے مسائل حل کرنے کے لئے حکومت کے عزم کا اعادہ کیا ہے۔
انہوں نے یہ بات آج کراچی میں پاکستان بزنس کونسل کے ارکان سے ملاقات میں کہی۔
وزیر خزانہ نے نقصان پر قابو پانے کے لئے سرکاری اداروں میں اصلاحات اور احتساب کی اہمیت پر زور دیا۔
ملاقات کے دوران پاکستان بزنس کونسل کے ارکان نے سمگلنگ کی روک تھام، سٹاک ایکسچینج کو بہتر بنانے اور آئی ایم ایف کا تعاون جاری رکھنے کے لئے نگران حکومت کی کاوشوں کو سراہا۔
