وزیردفاع خواجہ محمد آصف نے شنگھائی تعاون تنظیم کے ساتھ تعاون کو مزید فروغ دینے کے پاکستان کے عزم کا اعادہ کیا ہے۔
وہ آج قازقستان کے دارالحکومت آستانہ میں تنظیم کے رکن ممالک کے وزرائے دفاع کے سالانہ اجلاس سے خطاب کررہے تھے۔
اس موقع پر وزیردفاع نے غزہ کی بگڑتی ہوئی صورتحال پر گہری تشویش کااظہارکیا ۔
انہوں نے کہاکہ پاکستان نے ہمیشہ بین الاقوامی قوانین اور اقوام متحدہ کی متعلقہ قراردادوں کے مطابق فلسطین کے مسئلے کے منصفانہ، جامع اور دیرپا حل کی حمایت کی ہے ۔وزیردفاع نے اجلاس کے موقع پر شنگھائی تعاون تنظیم کے دوست ممالک کے وزرائے دفاع کے ساتھ ملاقاتوں میں دوطرفہ دفاعی تعاون پرتبادلہ خیال کیا ۔اجلاس میں خطے کی سلامتی کے امور اوردفاعی تعاون کے اقدامات کا جائزہ لیاگیا۔