امریکہ میں پاکستان کے سفیرمسعود خان نے کہا کہ پاکستانی نژاد امریکی شہریوں کا مختلف اداروں میں اعلیٰ عہدوں پر خدمات سر انجام دینا پاکستان کے لئے قابل فخر ہے جو دونوں ملکوں کے تعلقات کو مضبوط بنانے کے میں پل کا کردار ادا کر رہے ہیں۔
مسعود خان نے ان خیالات کا اظہار واشنگٹن ڈسٹرکٹ کورٹ کے دورہ کے موقع پر ڈسٹرکٹ آف کولمبیا کے فیڈرل مجسٹریٹ جج ضیاء فاروقی سے گفتگو کرتے ہوئے کیا۔
ڈسٹرکٹ کورٹ آمد پر ڈسٹرکٹ آف کولمبیا کے فیڈرل مجسٹریٹ جج ضیاء فاروقی نے سفیر پاکستان کا پرتپاک استقبال کیا۔
ضیاء فاروقی ڈسٹرکٹ کورٹ کے پہلے پاکستانی نژاد جج ہیں وہ 2020 سے فیڈرل مجسٹریٹ جج کے عہدے کی ذمہ داریاں سرانجام دے رہے ہیں۔
مجسٹریٹ جج ضیاء فاروقی مسلم امریکن پبلک سروس کے بورڈ آف ایڈوائزر کے رکن بھی ہیں۔علاوہ ازیں وہ امریکہ کے معروف تعلیمی ادارے جارج ٹاؤن لاء سکول کے بورڈ آف ایڈوائزرز کے بھی رکن ہیں۔ وہ اس عہدے پر تعینات ہونے والے پہلے پاکستانی مسلمان رکن ہیں۔
سفیر پاکستان اور مجسٹریٹ جج ضیاء فاروقی نے امریکی عدلیہ سمیت مختلف اداروں میں پاکستان نژاد امریکی شہریوں کی خدمات پر گفتگو کی۔
سفیر مسعود خان نےفیڈرل جج ضیاء فاروقی کو دورہ پاکستان کی دعوت جو انہوں نے قبول کی۔
سفیر پاکستان نے کچھ وقت کمرہ عدالت میں بھی گزارہ اور ایک اہم مقدمے میں عدالتی کاروائی کا مشاہدہ کیا۔