فائل فوٹو
سینٹ کے چیئرمین سید یوسف رضا گیلانی نے خطے کی خوشحالی کیلئے سازگار ماحول کی ضرورت پر زور دیا ہے۔
انہوں نے لاہور میں ایک نجی یونیورسٹی میں کانفرنس سے خطاب کرتے ہوئے کہا کہ پاکستان علاقائی تعاون، قیامِ امن کی کوششوں اور دیگر مشترکہ کاوشوں سے خطے کی پیچیدہ صورتحال کو تبدیل کرنے کیلئے پُرعزم ہے۔
یوسف رضا گیلانی نے کہا کہ پاکستان نے طالبان اور امریکہ کے درمیان امن مذاکرات کا سلسلہ شروع کروایا اور ہماری اوّلین ترجیح خطے میں امن اور خوشحالی کا قیام ہے۔
انہوں نے چین پاکستان اقتصادی راہداری کو ایک اہم اور تقدیر بدلنے والا منصوبہ قرار دیا۔