کُل جماعتی حریت کانفرنس نے گزشتہ کئی سال سے بھارت اورمقبوضہ کشمیر کی بدنام زمانہ جیلوں میں غیرقانونی طورپرقیدحریت رہنماؤں اورکارکنوں کی حالت زار پر شدید تشویش ظاہر کی ہے۔
حریت کانفرنس کے ترجمان نے سرینگرمیں ایک بیان میں کشمیریوں کی غیرقانونی گرفتاریوں کو بدترین سیاسی انتقام قرار دیتے ہوئے کہا کہ اس قسم کی ظالمانہ پالیسیوں کامقصد کشمیریوں کے آزادی کے موقف کوتبدیل کرناہے جو انیس سوسینتالیس سے بھارتی حکومت کاایک خواب رہاہے۔
انہوں نے اقوام متحدہ پرزوردیاکہ وہ ان خطرناک جیلوں کے ڈیتھ سیلز میں کسی طبی سہولت اور زندگی کی بنیادی ضروریات کے بغیرقیدکشمیری سیاسی قیدیوں کی حالت زارکانوٹس لے۔
