صدر استحکام پاکستان پارٹی اور وفاقی وزیر عبدالعلیم خان نے آج اسلام آباد میں نجی میوزیم'' صوبیہ محل'' کا دورہ کیا۔

اس موقع پر وفاقی وزیر نے قرآن پاک کے نادر نسخے، اللہ، محمد گیلری اور اسلامی خطاطی کے نمونے دیکھے۔

انہوںنے نجی میوزیم میں موجود انڈس ویلی اور جدید آرٹ کے مجموعوں کا معائنہ کیا اور کہا کہ اسلامی تہذیب سے منسلک بڑی تعداد میں اشیا کو ایک جگہ یکجا کرنا اہم کارنامہ ہے۔

عبدالعلیم خان نے اس اہم اور منفردکاوش اور کامیابی پر معروف ماہر تعلیم و تاریخ دان زاہد پرویز بٹ کی ذاتی کاوشوں کو سراہا اور'' اللہ، محمد'' گیلری میں آویزاں اسمائے مبارکہ میں گہری دلچسپی کا اظہار کرتے ہوئے کہا کہ خوشی ہے کہ اللہ تعالی نے زاہد پرویز بٹ کو اس خصوصی مبارک کام کی توفیق بخشی۔