آزادکشمیر کے وزیراعظم چوہدری انوار الحق نے کہا ہے کہ بدعنوانی اور اقرباپروری کا دور اب ختم ہو گیا ہے اور ریاست کے ہر شہری پر قانون یکساں لاگو ہے۔

انہوں نے اتوار کے روز باغ کے قریب ایک جلسہ عام سے خطاب کرتے ہوئے کہا کہ میری کابینہ میں ہر وزیر عوام کے مسائل حل کرنے کیلئے مکمل طورپر بااختیار ہے۔

انہوں نے علاقے کے لئے کئی ترقیاتی سکیموں کا اعلان کیا جن میں ضلع باغ میں ڈگری کالج رائرہ اور ڈھارے میں ایک ہائیرسیکنڈری سکول کا قیام شامل ہیں۔انہوں نے کہا کہ ڈھارے چھتر پل پر کام جلد شروع ہو گا اور رائرہ بائی پاس روڈ کا افتتاح بھی ہو چکا ہے جس کو مقررہ وقت میں مکمل کیا جائے گا۔