ضلع بنوں کے علاقے بکہ خیل میں سیکیورٹی فورسز نے خفیہ اطلاع پر آپریشن میں آٹھ خوارج کو جہنم واصل کر دیا جبکہ کارروائی میں سات خوارج زخمی بھی ہوئے۔

پاک فوج کے شعبہ تعلقات عامہ کے مطابق آپریشن کے دوران فائرنگ کا شدید تبادلہ ہوا جس کے نتیجے میں ایک بہادر افسر میجر عاطف خلیل شہید ہو گئے جو اپنے دستوں کی بہادری سے قیادت کررہے تھے ۔

دو جوانوں نائیک آزاد اللہ اور لانس نائیک غضنفر عباس نے بھی جام شہادت نوش کیا۔

ادھر ضلع ژوب میں خفیہ اطلاع پر کئے جانے والے آپریشن میں بھی ایک خارجی ہلاک جبکہ دوسرا زخمی حالت میں گرفتار کر لیا گیا۔

سیکیورٹی فورسز دہشت گردی کے خاتمے کے لیے پرعزم ہیں اور بہادر سپاہیوں کی ایسی قربانیاں قوم کے عزم کو مزید مضبوط کرتی ہیں۔