وزیراعظم کی ہدایت پر ہنگامی ریسپانس کمیٹی کا سترہواں اجلاس اسلام آباد میں این ڈی ایم اے ہیڈکوارٹرز کے نیشنل ایمرجنسیز آپریشنز سینٹر میں منعقد ہوا۔
منصوبہ بندی و ترقی کے وزیر احسن اقبال نے اجلاس کی صدارت کی۔
کمیٹی نے ملک بھر میں مون سون اور دریاؤں میں پانی کی موجودہ صورتحال، موسم کی پیشگوئی اور ہنگامی صورتحال سے نمٹنے کے لیے مربوط انتظامات کا جائزہ لیا۔
نیشنل ایمرجنسیز آپریشنز سینٹر نے صورتحال پر تفصیلی بریفنگ دی، جس میں موسم کی تازہ ترین پیشگوئی، دریاؤں میں پانی کے بہاؤ، حساس مقامات اور جاری مون سون کے ممکنہ اثرات سے آگاہ کیا گیا۔
