وزیر اعظم محمد شہباز شریف نے کہا ہے کہ وفاقی حکومت بلوچستان کی ترقی کیلئے ہر ممکن تعاون فراہم کرے گی۔
انہوں نے وزیراعلی بلوچستان سرفراز بگٹی سے گفتگو کرتے ہوئے جنہوں نے آج لاہور میں ان سے ملاقات کی اس امر کا اعادہ کیا کہ بلوچستان کی ترقی حکومت کی اولین ترجیحات میں شامل ہے۔
دونوں رہنماؤں نے بلوچستان کی موجودہ معاشی، سماجی اور امن و امان کی صورتحال پر تفصیلی تبادلہ خیال کیا۔
وزیراعلی نے وزیراعظم کو صوبے میں جاری ترقیاتی منصوبوں کی پیشرفت سے آگاہ کیا۔
