Sunday, 14 July 2024, 03:46:03 pm
عازمین حج نے بہترین سہولیات پر حکومت کی کوششوں کو سراہا
June 02, 2024

پاکستانی عازمین حج نے مکہ اور مدینہ میں بہترین سہولیات اور خدمات کی فراہمی یقینی بنانے پر حکومت کی کوششوں کو سراہا ہے۔

پاکستانی خواتین عازمین کے ایک گروپ نے وزارت مذہبی امور کے حکام سے بات چیت کے دوران کہا کہ حج کے بہترین انتظامات کا سہرا وفاقی وزیر مذہبی امور چوہدری سالک حسین کو جاتا ہے۔

انہوں نے رہائش، ٹرانسپورٹ اور خوراک سمیت بہترین خدمات کی فراہمی پر وفاقی وزیر کی کاوشوں کی تعریف کی۔