کل جماعتی حریت کانفرنس نے تنازعہ کشمیر کو پرامن مذاکرات کے ذریعے حل کرنے کے اپنے موقف کا اعادہ کرتے ہوئے کہا ہے کہ جنگ کسی مسئلے کا حل نہیں۔
کشمیرمیڈیاسروس کے مطابق کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں ایک بیان میں کہا کہ تنازعہ کشمیر پاکستان اور بھارت کے درمیان کشیدگی کی بنیادی وجہ ہے ۔
انہوں نے دونوں ممالک کی قیادت پر زور دیا کہ وہ دانشمندی کا مظاہرہ کریں اور جنوبی ایشیا کے عوام کے بہتر مستقبل کے لیے کام کریں۔
ادھربھارت امرناتھ یاترا کی آڑ میں مقبوضہ علاقے میں پیراملٹری فورسز کی 500اضافی کمپنیاں تعینات کر رہا ہے۔ سالانہ یاترا رواں ماہ کی انتیس تاریخ سے انیس اگست تک جاری رہے گی۔
بھارت ہر سال یاتریوں کی سیکیورٹی کے نام پر مقبوضہ علاقے میں اضافی فورسز تعینات کرتا ہے جن میں سے ایک محدودحصہ ہی واپس جاتاہے جبکہ زیادہ ترکوآزادی کی آوازیں دبانے کے لیے علاقے میں ہی رکھا جاتا ہے۔
ایک اور پیشرفت میں بھارتی فوجیوں نے جموں کے سانبہ، راجوری اور پونچھ اضلاع میں محاصرے اور تلاشی کی کارروائیاں کیں۔