قومی اسمبلی کی خواتین کی پارلیمانی کاکس نے اسلام آباد میں ایک تھاٹ لیڈرشپ ورکشاپ کا انعقاد کیا تاکہ خواتین ارکان قومی اسمبلی کو محفوظ ڈیجیٹل ماحول میں سوشل میڈیا میں مہارت کے ساتھ بااختیار بنایا جا سکے۔

سیکرٹری ڈاکٹر شاہدہ رحمانی، ایم این اے کی قیادت میں ورکشاپ میں خواتین کی جسمانی، قانونی اور سماجی حفاظت پر زور دیا گیا۔

ڈاکٹر شاہدہ رحمانی نے خواتین کو ہراساں کرنے، صنفی بنیاد پر تشدد اور امتیازی سلوک سے بچانے میں خواتین کی پارلیمانی کاکس کی قانون سازی کی کامیابیوں کواجاگرکیا اور ڈیجیٹل جمہوریت کو فروغ دینے کے لئے اجتماعی کوششوں کی ضرورت پر زور دیا۔