پاک فوج کی جانب سے شمالی وزیرستان کے علاقے میران شاہ کی پولیس کیلئے ایک پانچ روزہ خصوصی تربیتی پروگرام کا انعقاد کیا گیا۔

تربیتی پروگرام کا مقصد شمالی وزیرستان پولیس کی تکنیکی صلاحیتوں اور پیشہ ورانہ مہارت میں اضافہ کرنا تھا۔پولیس کو مختلف ہتھیاروں اور دستی بم کے استعمال کی تربیت دی گئی، انہیں رات کے دوران فائرنگ کی تربیت بھی دی گئی۔بم ڈسپوزل، وی آئی پی پروٹیکشن اور چلتی گاڑیوں سے فائرنگ بھی تربیت کا حصہ تھی۔