ضلع شمالی وزیرستان میں دہشت گردوں کے ساتھ فائرنگ کے شدید تبادلے میں پاک فوج کے دو جوان شہید ہوگئے۔فوج کے شعبہ تعلقات عامہ کے مطابق اس کارروائی میں دو دہشت گرد ہلاک اور دو زخمی ہوگئے۔ہلاک ہونے والے دہشت گردوں سے اسلحہ اور گولہ بارود بھی برآمد ہوا۔شہید ہونے والے جوانوں میں ضلع خوشاب کے نائیک ظہیر عباس اور ڈیرہ اسماعیل خان کے لانس نائیک معراج الدین شامل ہیں۔آئی ایس پی آر نے کہاہے کہ پاکستان کی مسلح افواج دہشت گردی کے خاتمے کیلئے پرعزم ہیں اور ہمارے بہادر سپاہیوں کی ان قربانیوں سے ہمارے عزم کو مزید تقویت ملے گی۔