پنجاب کی وزیر اطلاعات عظمیٰ بخاری نے کہا ہے کہ دو ہزار اُنیس کے بعد سے پانچ اگست یوم استحصال کے طور پر منایا جا رہا ہے۔

آج (پیر) لاہور میں ایک تقریب سے خطاب کرتے ہوئے انہوں نے اس بات پر افسوس کا اظہار کیا کہ آج پورا مقبوضہ کشمیر جیل کا منظر پیش کر رہا ہے۔عظمیٰ بخاری نے کہا کہ سیاست اور اختلافات چلتے رہتے ہیں تاہم ہمیں ملک کے خلاف ہر سازش کو سمجھنے اور اسے ناکام بنانے کی ضرورت ہے۔انہوں نے کہا کہ شہباز شریف کشمیریوں کا مقدمہ بین الاقوامی فورموں پر لڑ رہے ہیں اور ہم اُن کے شانہ بشانہ ہیں۔