پاکستان میں سعودی عرب کے سفیر نواف بن سعید المالکی نے خیبرپختونخوا کے گورنر فیصل کریم کنڈی سے اسلام آباد میں ملاقات کی۔

انہوں نے باہمی دلچسپی کے امور اور باہمی تعاون کو فروغ دینے پر تبادلہ خیال کیا۔

ملاقات میں پاک سعودیہ تعلقات، صوبے میں سرمایہ کاری کے دستیاب مواقع اور سرمایہ کاری کے فروغ پر بھی تبادلہ خیال کیاگیا۔

گورنر نے ملک بھر خصوصاً خیبرپختونخوا میں شاہ سلمان امدادی مرکز کی امدادی خدمات کوسراہا۔

انہوں نے کہاکہ حالیہ سیلاب میں شاہ سلمان امدادی مرکز نے ڈیرہ اسماعیل خان ، دیر ، سوات، چترال اور چارسدہ میں محبت کے جذبے کے ساتھ متاثرین سیلاب کی بھرپور مدد کی ۔

فیصل کریم کنڈی نے کہاکہ سعودی حکومت نے ہرقسم کے مشکل حالات میں ہمیشہ پاکستان کے عوام کی مدد کی ہے ۔