پنجاب کے وزیراعلیٰ مریم نواز شریف نے بیجنگ میں چین کی کمیونسٹ پارٹی کے اعلیٰ سطح کے وفد کے ساتھ ملاقات کی۔

اس موقع پر انہوں نے پنجاب کو معاشی طور پر مستحکم بنانے کیلئے چین کے ساتھ تعاون کی خواہش ظاہر کی۔

اس سے پہلے بیجنگ کے ہوائی اڈے پر پہنچنے پر چین کی کمیونسٹ پارٹی کے چھ اعلیٰ نمائندوں نے ان کا استقبال کیا۔

وہ چین کا دورہ کرنے والی پاکستان کی پہلی خاتون وزیراعلیٰ ہیں۔

سینیٹر پرویزرشید ،سینئر صوبائی وزیر مریم اورنگزیب، وزیراطلاعات و ثقافت عظمیٰ زاہد بخاری، وزیر ٹرانسپورٹ بلال اکبر، وزیرزراعت عاشق حسین کرمانی اور اعلیٰ سطح کا وفد ان کے ہمراہ ہے۔