مکہ مکرمہ میں پاکستان حج مشن نے پرائیویٹ حج سکیم کے ایک سو ستاسی عازمین حج کو فی کس پانچ سو سعودی ریال معاوضہ دلایا ہے جو کہ پاکستانی کرنسی میں سڑسٹھ لاکھ روپے بنتا ہے ۔
مکہ مکرمہ میں ریڈپاکستان کے نمائندے بلال خان محسود نے بتایا کہ عازمین حج کی جانب سے شکایات موصول ہونے پر پاکستان حج مشن کے ڈائریکٹر مانیٹرنگ سیل ذوالفقار خان موقع پرپہنچے اور معاہدے کی خلاف ورزی کرنے والے دو پرائیویٹ حج گروپ آرگنائزرپر بھاری جرمانہ عائد کیا۔
