فائل فوٹو
نگران وزیراعلیٰ پنجاب سید محسن نقوی نے کہا ہے کہ صوبے کے تمام تھانوں میں تعمیراتی اور تزئین و مرمت کا کام سرانجام دیا جائے گا۔
آج(ہفتہ) کو لاہور میں ایک اجلاس کی صدارت کرتے ہوئے انہوں نے تھانوں میں آنے والوں کو سہولیات فراہم کرنے اور دوستانہ ماحول قائم کرنے کی ہدایت کی۔
انہوں نے لوگوں کے فوری ریلیف کے لئے کرائے کی عمارتوں میں نئے تھانے قائم کرنے کی بھی ہدایت کی کیونکہ نئے تھانے قائم کرنے کے لئے خطیررقم کی ضرورت ہوتی ہے۔
