قومی اسمبلی کے حلقہ این اے75سیالکوٹ چارڈسکہ میں ضمنی انتخاب کے لئے پولنگ جاری ہے جو شام پانچ بجے تک بغیرکسی وقفے کے جاری رہے گی۔الیکشن کمیشن نے پُرامن، آزادانہ، منصفانہ اورشفاف انتخابات کے انعقاد کے لئے تمام ضروری انتظامی اورانتخابی اقدامات کئے ہیں۔حلقے میں تین سوساٹھ پولنگ سٹیشن قائم کئے گئے ہیں۔پاکستان تحریک انصاف کے امیدوارعلی اسجدملہی اور پاکستان مسلم لیگ نون کی امیدوارنوشین افتخار کے درمیان کانٹے دارمقابلہ متوقع ہے۔
