وزیر اعلیٰ پنجاب مریم نواز نے صوبے میں سرحدی چوکیوں کی تعداد بڑھانے کی تجویز کی منظوری دی ہے۔
لاہور میں آج ایک اجلاس کی صدارت کرتے ہوئے انہوں نے ان چوکیوں پر تعینات پولیس اہلکاروں کو خصوصی تربیت دینے کی ہدایت کی۔
مریم نواز نے زور دیا کہ پولیس افسروں کو کارروائیوں کے دوران حفاظت کیلئے بکتر بند اور بلٹ پروف گاڑیاں اور جیکٹس فوری فراہم کی جائیں۔
انہوں نے پنجاب پولیس کے سازوسامان کو بہتر بنانے اور اس کی مجموعی آپریشنل صلاحیت کو بہتر بنانے کیلئے ایک ارب روپے کی بھی منظوری دی۔
