پاکستان اور سعودی عرب کے درمیان اِس سال کے حج کیلئے معاہدہ طے پاگیا ہے۔
وفاقی وزیر مذہبی امور و بین المذاہب ہم آہنگی چوہدری سالک حسین اور سعودی وزیر حج و عمرہ ڈاکٹر توفیق بن فوزان الربیعہ نے معاہدے پر دستخط کیے۔
اِس معاہدے کے تحت ایک لاکھ اناسی ہزار دو سو دس پاکستانی رواں سال فریضہ حج ادا کریں گے۔
معاہدے میں پاکستانی عازمین حج کو بہترین سہولیات فراہم کرنے پر بھی اتفاق کیا گیا ہے اور پاکستانی حجاج کو منیٰ میں خصوصی جگہ دی جائے گی۔
اس موقع پر سعودی وزیر حج نے پاکستانی عازمین حج کو بہتر سہولیات فراہم کرنے کے لئے ہر ممکن تعاون کا یقین دلایا۔
