وزیر خارجہ شاہ محمود قریشی نے برلن میں صحافیوں سے گفتگو کرتے ہوئے کہا کہ پاکستان نے یورپ کے ساتھ اسٹراٹیجک اشتراک عمل منصوبہ وضع کرنے کا عزم کا رکھا ہے اورپاکستان جرمنی کے ساتھ بالخصوص انفارمیشن ٹیکنالوجی، شمسی توانائی اور برقی گاڑیوں کے شعبوں میں تعاون کر سکتا ہے۔
انھوں نے اس بات پر اطمینان ظاہر کیا ہے کہ اس وقت پانچ ہزار کے قریب پاکستانی طلباء جرمنی کے مختلف تعلیمی اداروں میں زیر تعلیم ہیں۔
