اطلاعات ونشریات کے وزیرمملکت فرخ حبیب نے کہاہے کہ پاکستان تحریک انصاف ایک جمہوری جماعت ہے جو قانون کی بالادستی پریقین رکھتی ہے۔
ایک نجی ٹی وی چینل سے گفتگو کرتے ہوئے انہوں نے کہاکہ اختلاف رائے جمہوریت کا حسن ہے۔وزیرمملکت نے کہاکہ پی ٹی آئی کی حکومت جمہوری اقدارپرپختہ یقین رکھتی ہے اورپارٹی میں ہرایک کواپنی آزادانہ رائے کے اظہارکاحق ہے۔ایک سوال کے جواب میں انہوں نے کہاکہ تمام اتحادی جماعتیں حکومت کے ساتھ ہیں اور موجودہ حکومت کو اپوزیشن کی کسی بھی تحریک سے کوئی خطرہ نہیں۔