وزیرداخلہ محسن نقوی نے کہا ہے کہ حکومت خلیجی ممالک کے ساتھ انسداد منشیات کے تمام شعبوں میں تعاون بڑھانے کیلئے تیار ہے۔

انہوں نے آج اسلام آباد میں ایک تقریب سے خطاب کرتے ہوئے کہا کہ ہم خفیہ معلومات کے تبادلے، مشترکہ تربیت، رئیل ٹائم کوآرڈی نیشن اور فورنزنک و تکنیکی اشتراک عمل کا طریق کار مضبوط بنانا چاہتے ہیں۔

وزیر داخلہ نے ایسے خطے کی تعمیر کے لئے مل کر کام کرنے کی ضرورت پر زور دیا جو محفوظ تر اور صحت مندانہ ہو اور منشیات کے تباہ کن اثرات سے پاک ہو۔