شنگھائی تعاون تنظیم کے سیکرٹری جنرلNurlan Yermekbayev اعلیٰ سطح کے ایک وفد کے ہمراہ آج (جمعرات) سے پاکستان کا دو روزہ دورہ کررہے ہیں۔

وہ یہ دورہ نائب وزیراعظم اوروزیرخارجہ اسحق ڈار کی دعوت پر کررہے ہیں۔

دورے کے دوران سیکرٹری جنرل نائب وزیراعظم اور وزیر خارجہ' وزیر تجارت اور سیکرٹری خارجہ سے ملاقاتیں کریں گے۔

وہ انسٹی ٹیوٹ آف سٹریٹجک سٹڈی اسلام آباد میںکاروباری اداروں اورذرائع ابلاغ کے نمائندوں سے بھی خطاب کریں گے۔

تنظیم کے سیکرٹری جنرل کا یہ دورہ پاکستان کے لئے ایس سی او سیکرٹریٹ کے ساتھ علاقائی سلامتی اور معاشی اہداف کے حصول میں تعاون کا بہترین موقع فراہم کرے گا۔