ڈیرہ اسماعیل خان کے علاقے کلاچی میں سیکورٹی فورسز نے خفیہ اطلاعات کی بنیاد پر کارروائی کرکے دو دہشت گردوں کو ہلاک کر دیا۔ضلع جنوبی وزیرستان کے علاقے کوٹ اعظم میں ایک اور کارروائی میں ایک دہشت گرد مارا گیا۔ہلاک ہونے والے تین دہشت گردوں کے قبضے سے اسلحہ اور گولہ بارود بھی برآمد کیا گیا۔ دہشت گرد، سیکورٹی فورسز اور بے گناہ شہریوں کے خلاف متعدد دہشت گرد کارروائیوں میں ملوث تھے۔ضلع شمالی وزیرستان کے علاقےGHARYOUMمیں بارودی سرنگ پھٹنے کا ایک واقعہ ہوا جس میں ایک سیکورٹی اہلکار نے جام شہادت نوش کیا۔ علاقے سے دہشت گردوں کے خاتمے کیلئے کارروائی جاری ہے۔فوج کے شعبہ تعلقات عامہ نے ایک بیان میں دہشت گردی کے ناسور کے خاتمے کے پاکستان کے عزم کا اعادہ کیا۔