وزیر خزانہ محمد اورنگزیب نے تمام ترقیاتی شراکت داروں پر زور دیا ہے کہ وہ ترقی پذیر ممالک خاص طور پر پاکستان کو درپیش موسمیاتی تبدیلی،آبادی میں اضافے اور بچوں کی نشوونما میں کمی جیسے مسائل کے حل کیلئے مل کر کام کریں۔
وہ واشنگٹن میں جی چوبیس وزراء اور گورنرز کے اجلاس سے خطاب کررہے تھے۔
مالی سال دوہزار چوبیس، پچیس کے دوران جی چوبیس بیورو کا دوسرا نائب چیئرمین بننے پر وزیر خزانہ نے ترقی پذیر ملکوں پر قرضوں کے بھاری بوجھ، موسمیاتی لائحہ عمل کی ضرورت اور بریٹن ووڈزانسٹیٹیوشنز میں ان کی زیادہ نمائندگی جیسے کلیدی مسائل کو حل کرنے کی ضرورت پر زور دیا۔