وزیر اعظم عمران خان نے کہا ہے کہ کھیل نوجوانوں کو زندگی میں مقابلہ اور تیاری کرنا سکھاتے ہیں۔کولمبو میں سری لنکا کے نوجوانوں اور کھیلوں کے وزیر نمل راجہ پاکسا کی طرف سے اپنے اعزاز میں منعقدہ تقریب سے خطاب کرتے ہوئے انہوں نے کہاکہ کھیلوں میں اگر کوئی ہار کا سامنا کرنا نہیں جانتا تو وہ چیمپئن نہیں بن سکتا۔وزیر اعظم نے کہا کہ شکست کے بعد کسی کو بھی حوصلہ نہیں ہارنا چاہئے بلکہ اپنی غلطیوں کو سدھارنا اور زیادہ محنت کرنی چاہئے۔انہوں نے کہا کہ میَں نے کرکٹ کے کھیل میں جو کچھ سیکھا اُس سے مجھے سیاست میں مدد ملی۔