وزیراعظم محمد شہبازشریف امریکہ کے پانچ روزہ دورے پر نیویارک میں ہیں جہاں وہ

اقوام متحدہ کی جنرل اسمبلی کے اجلاس میں شرکت کرینگے۔وزیر دفاع خواجہ محمد آصف، اطلاعات و نشریات کے وزیر عطاء اللہ تارڑ، تعلیم اور پیشہ وارانہ تربیت کے وزیر خالد مقبول صدیقی اور معاون خصوصی طارق فاطمی بھی ان کے ہمراہ ہیں۔

وزیراعظم آج نیویارک میں مصروف دن گزاریں گے۔

وہ اقوام متحدہ کے سیکرٹری جنرل انتونیو گوتریس کی طرف سے رکن ملکوں کے سربراہوں کے اعزاز میں دئیے گئے استقبالیے میں شرکت کریں جہاں وزیراعظم مختلف ملکوں کے سربراہوں سے غیر رسمی ملاقاتیں بھی کریں گے۔