وزیراعظم کی ہدایت پر پاکستان کے قدرتی آفات سے نمٹنے کے قومی ادارے نے فلسطین کیلئے انسانی ہمدردی کی بنیاد پر پندرھویں کھیپ بھجوا دی ہے جو غزہ کے عوام کیلئے قوم کی غیرمتزلزل حمایت کا مظہر ہے۔

کھیپ میں بیس ٹن ادویات، پانچ ٹن حفظان صحت کی کٹس اور پندرہ ٹن خیمے شامل ہیں جو پاکستان کی انسانی ہمدردی کی بنیاد پر کوششوں کا حصہ ہے۔

امدادی کھیپ کو کراچی سے چارٹرڈ پرواز کے ذریعے اردن کے دارالحکومت عمان بھجوایا گیا۔

اس کھیپ سے پاکستان فلسطین کیلئے اب تک پندرہ سو اٹھارہ ٹن امدادی اشیاء بھجوا چکا ہے۔