پاکستان میں ایتھوپیا کے سفیر ڈاکٹر جمال باقر عبد اللہ نے وزیراعظم کے معاون خصوصی برائے ڈیجیٹل میڈیا فہد ہارون سے ملاقات کی اور میڈیا اور ڈیجیٹل میڈیا کے بدلتے ہوئے منظر نامے پر تبادلہ خیال کیا۔
فریقین نے عوامی سفارتکاری اور قوم کی تعمیر کے لئے بیانیے کی تشکیل میں میڈیا کے بڑھتے ہوئے کردار اور اس کی طاقت کو تسلیم کیا۔
انہوں نے باہمی تعاون، جدت طرازی اور تذویراتی اقدامات کے ذریعے چیلنجوں سے موثر طریقے سے نمٹنے کے بارے میں بھی تبادلہ خیال کیا۔
