وزیرخزانہ محمد اورنگزیب نے کہا ہے کہ پاکستان آئی ایم ایف کے ساتھ بڑے اور وسیع پروگرام کے لئے پرعزم ہے۔
وہ واشنگٹن میں پاکستان کی معاشی پالیسی جائزے کے حوالے سے جے پی مورگن سیمینار سے خطاب کررہے تھے۔
وفاقی وزیر نے کہا کہ حکومت تین اہم شعبوں میں اصلاحات پر توجہ دے رہی ہے جن میں ٹیکس کا نظام، توانائی اور نجکاری شامل ہے۔
انہوں نے مثبت اقتصادی اشاریوں کو اجاگر کیا جن میں زرعی شعبہ کی بہترین کارکردگی، افراط زر کے دبائو میں کمی ، مستحکم شرح تبادلہ، تجارتی خسارے میں کمی اور مستحکم ترسیلات زر شامل ہیں۔