قدرتی آفات سے پیدا ہونے والی صورتحال سے نمٹنے کے قومی ادارے نے ملک کے بیشتر حصوں میں پیر تک جاری رہنے والی بارشوں کے پیش نظر عوام کے لئے احتیاطی اقدامات پر مبنی ایڈوائزری جاری کی ہے۔ایڈوائزری کے مطابق بلوچستان خیبرپختونخوا گلگت بلتستان اور کشمیر کے بعض علاقوں میں شدید بارش طوفانی ہوائیں ژالہ باری اور بلند پہاڑوں پر برف باری کا امکان ہے۔بالائی خیبرپختونخوا گلیات مری گلگت بلتستان اور آزاد جموں و کشمیر میں مٹی کے تودے گرنے سے سڑکیں بند ہونے کا خدشہ ہے۔دریا ؤںاور ندی نالوں کے کنارے رہنے والے لوگوں کو مشورہ دیا گیا ہے کہ وہ پانی کے بہاؤ میں اضافے پر نظر رکھیں اور ضرورت پڑنے پر علاقے کو خالی کردیں۔کسانوں سے کہا گیا ہے کہ وہ غیر معمولی احتیاط کریں اور بارش کے مطابق زرعی منصوبے پر عمل درآمد کریں۔