وزیراعظم محمد شہباز شریف اور قائمقام صدر سید یوسف رضا گیلانی نے جنوبی وزیرِستان میں خارجیوں کے خلاف کامیاب آپریشن اور4 خارجیوں کو جہنم واصل کرنے پر سیکیورٹی فورسز کے افسران و جوانوں کی پزیرائی کرتے ہوئے انہیں خراج تحسین پیش کیا ہے.

ایک بیان میں وزیراعظم نے کہا کہ پوری قوم دہشت گردی کے خلاف جنگ میں سکیورٹی فورسز کے ساتھ کھڑی ہے۔

وزیراعظم نے ملک سے دہشت گردی کے مکمل خاتمے تک جنگ جاری رکھنے کے عزم کا اعادہ کیا ہے۔

 قائمقام صدر سید یوسف رضا گیلانی نے بھی کارروائی کے دوران 4 خوارج دہشت گردوں کو جہنم واصل کرنے پر سکیورٹی فورسز کی بہادری کو سراہا ہے۔

انہوں نے کہا کہ فورسز نے انتہائی بہادری اور پیشہ ورانہ مہارت سے دہشت گردوں کے ٹھکانے کو نشانہ بنایا۔

قائمقام صدر نے  فتنہ الخوارج کے مکمل خاتمے تک کاروائیاں جاری رکھنے کے قومی عزم کا اظہار کیا ہے۔