پاک بحریہ نے مقامی سطح پر تیار کئے گئے میزائل کا بحری جہاز سے فائر کرنے کا کامیاب تجربہ کیا ہے۔
میزائل کی رینج تین سوپچاس کلومیٹرہے جو بلندی سے زمین اور سمندر میں اہداف کو نشانہ بنانے کی صلاحیت رکھتا ہے۔
یہ میزائل جدید ترین نیویگیشن نظام اور دیگر صلاحیتوں سے لیس ہے۔
تجربے کے موقع پر پاک بحریہ کے سربراہ سینئر افسران، سائنسدان اور انجینئر موجود تھے۔
صدر، وزیراعظم، چیئرمین جوائنٹ چیفس آف سٹاف کمیٹی اور سروسز چیفس نے اس شاندار کامیابی پر پاک بحریہ کے یونٹس اور سائنسدانوں کو مبارکباد دی۔
