سندھ کے نگران وزیر اعلیٰ ریٹائرڈ جسٹس مقبول باقر نے آج اسلام آباد میں نگران وزیراعظم انوار الحق کاکڑ سے ملاقات کی اور صوبے کے انتظامی امور پر تبادلہ خیال کیا۔
ملاقات میں سندھ میں امن و امان کی صورتحال پر بھی بات چیت کی گئی۔
سندھ کے نگران وزیر اعلیٰ نے وزیر اعظم کو صوبے میں عوامی بہبود کےلئے نگران حکومت کی جانب سے کئے گئے مختلف اقدامات کے بارے میں آگاہ کیا۔
ملاقات میں سمگلنگ اور بجلی چوری کی روک تھام کے حوالے سے بھی تبادلہ خیال کیا گیا۔
وزیراعظم نے صوبے کے انتظامی امور میں مثبت پیشرفت پر وزیر اعلیٰ سندھ کی زیرقیادت صوبائی حکومت کی کوششوں کو سراہا۔
