انیس سو پینسٹھ میں بھارتی جارحیت کے خلاف ملک کی فضائی حدود کا بہادری سے دفاع کرنے والوں کی یاد میں آج یوم فضائیہ قومی جوش و جذبے کے ساتھ منایا جارہا ہے۔

انیس سو پینسٹھ کی جنگ میں پاکستان کے بہادر ہوا بازوں نے محدود وسائل کے باوجود نہ صرف بھارتی فضائی حملہ پسپا کیا بلکہ فضائی معرکے میں بے مثال مہارت اور غیر متزلزل جرات کا مظاہرہ کرتے ہوئے بھارت کو عبرتناک شکست سے دوچار کیا۔

پاک فضائیہ کے محمد محمود عالم جو ایم ایم عالم کے نام سے مشہور ہیں نے ایک منٹ سے بھی کم وقت میں بھارتی فضائیہ کے پانچ HAWKER ہنٹرطیارے مار گرائے۔