نائب وزیراعظم اوروزیر خارجہ اسحاق ڈار نے کہا ہے کہ پاکستان برطانیہ کے ساتھ اپنی دیرینہ شراکت داری کو نہایت اہمیت دیتا ہے۔
انہوں نے آج(ہفتہ) کو لندن میں ایک تقریب سے خطاب کرتے ہوئے پاکستان اور برطانیہ کے تعلقات مستحکم کرنے میں وہاں مقیم پاکستانیوں کے کردار کو سراہا۔
نائب وزیراعظم نے کہا کہ برطانیہ کے ساتھ براہِ راست پروازوں کی بحالی کیلئے اقدامات کئے جا رہے ہیں جس سے بیرون ملک مقیم پاکستانیوں کو بہت فائدہ ہو گا۔
پاکستان کو درپیش سیکیورٹی اور اقتصادی چیلنجز کا حوالہ دیتے ہوئے نائب وزیراعظم ملک کو ان مسائل سے نکالنے کیلئے مشترکہ کوششیں کرنے پر زور دیا۔