امور کشمیر اور گلگت بلتستان کے وزیر امیر مقام نے یقین دہانی کرائی ہے کہ گلگت بلتستان میں جاری ترقیاتی منصوبوں کی بروقت تکمیل کیلئے تمام ممکنہ اقدامات کئے جائیں گے۔
انہوں نے گلگت میں ایک بریفنگ میں اظہار خیال کرتے ہوئے نگر ہائی وے کو مکمل کرنے کی ہدایت کی۔
وفاقی وزیر کو آگاہ کیا گیا کہ اِس ہائی وے کو شاہراہِ قراقرم کے متبادل راستے کے طور پر بھی استعمال کیا جا سکے گا جس سے ضلع نگر کے رہائشیوں اور سیاحوں کو سہولت ملے گی۔امور کشمیر اور گلگت بلتستان کے وزیر نے ہنزہ کے اضلاع کا بھی دورہ کیا۔
