پاکستان نے جمہوریہ کرغزستان میں زیرتعلیم پاکستانی طلباء پرگزشتہ رات حملے کے واقعے کی اطلاعات کے حوالے سے گہری تشویش کااظہارکیا ہے ۔
پاکستان میں کرغزستان کے سفارتخانے کے ناظم الامور میلس مولدالیف کو دفترخارجہ طلب کرکے احتجاج کیاگیا ۔
دفترخارجہ کی ترجمان نے ایک بیان میں کہا کہ کرغزستان کے ناظم الامور پرزوردیا گیا ہے کہ کرغزحکومت کو اپنے ملک میں مقیم پاکستانی طلباء اور شہریوں کا تحفظ یقینی بنانے کیلئے تمام ممکنہ اقدامات کرنے چاہئیں ۔