صنعتوں اور پیداوار کے وزیر رانا تنویر حسین نے کہا ہے کہ حکومت چین کے سرمایہ کاروں کو راغب کرنے کے لئے مزید سہولیات و مراعات پر غور کررہی ہے۔
انہوں نے پاکستان چائنا انسٹی ٹیوٹ اسلام آباد میں آج ایک تقریب سے خطاب کرتے ہوئے کہا کہ خصوصی اقتصادی زونز ملک میں براہ راست غیر ملکی سرمایہ کاری کے لئے خصوصی اہمیت رکھتے ہیں۔
وفاقی وزیر نے کہا کہ چینی صنعتوں کی پاکستان کو منتقلی ملکی ترقی کے لئے اہم موقع ہے انہوں نے پاکستان میں چینی کمپنیوں کو مکمل سیکورٹی فراہم کرنے کی یقین دہانی کرائی۔