مذہبی امور اور بین المذاہب ہم آہنگی کے نگران وزیر انیق احمد نے کہا ہے کہ قرآن پاک کی بے حرمتی اور مقدس ہستیوں کی شان میں گستاخی کے واقعات ناقابل قبول ہیں۔
انہوں نے کراچی میں صحافیوں سے گفتگو کرتے ہوئے توہین رسالتۖ اور نفرت انگیز تقاریر کی روک تھام کے بارے میں حکومت کے موقف کا اعادہ کیا اور سوشل میڈیا پر اس حوالے سے گستاخانہ مواد روکنے کیلئے سخت اقدامات کا اعلان کیا۔
انیق احمد نے علمائے کرام پر حملوں کی سنگینی کے بارے میں کہا کہ حکام تحقیقات کے دوران ان حملوں میں ملوث عناصر کی شناخت کے قریب پہنچ گئے ہیں اوران کے نام جلد عوام کے سامنے لائے جائیں گے۔
