پنجاب اسمبلی کے سپیکر ملک محمد احمد خان نے کہا ہے کہ پاکستان اور ایران کے تاریخی تعلقات کو تجارتی تعلقات میں تبدیل کرنا دونوں ملکوں کی ترقی کے لیے ضروری ہے۔

ان خیالات کا اظہار انہوں نے آج (منگل) لاہور میں محمد میرزئی کی قیادت میں ایک پارلیمانی وفد سے ملاقات کے دوران کیا ۔ ملاقات کے دوران پاکستان اور ایران کے درمیان پارلیمانی اور اقتصادی تعلقات کو فروغ دینے کے حوالے سے تبادلۂ خیال کیا گیا۔ سپیکر پنجاب اسمبلی نے کہا کہ پارلیمانی روابط باہمی تعلقات کو مزید مضبوط بنانے میں بنیادی کردار ادا کرتے ہیں۔ اپنے تاثرات میں ایرانی پارلیمنٹ کے رکن محمد میرزئی نے کہا کہ ایران ،پاکستان کے ساتھ مختلف شعبوں میں اپنے تعلقات کو مضبوط بنانے کا خواہش مند ہے۔ اُنہوں نے سپیکر ملک محمد احمد خان کو ایران کے دورے کی دعوت بھی دی۔