پاک فوج اور سپیشل کمیونیکیشنز آرگنائزیشن نے گلگت بلتستان کے علاقے مہدی آباد میں فری لانسنگ حب قائم کیا ہے۔
فری لانسنگ حب گورنمنٹ گرلز ہائی سکول مہدی آباد میں قائم کیا گیا ہے۔ سکول کے پرنسپل محمد ذاکر نے پاک فوج کے اقدام کو سراہتے ہوئے کہا ہے کہ فری لانسنگ حب میں بچوں کو آن لائن بزنس ، فری لانسنگ اور ڈیجیٹل مارکیٹنگ سکھائی جائے گی۔ انہوں نے کہا کہ اس مرکز کے ذریعے ہم قومی اور بین الاقوامی سطح پر اپنے منصوبوں کو متعارف کروا سکتے ہیں۔