وزیرخزانہ سینیٹر محمد اورنگزیب نے ہوا بازی کے شعبے میں ترکیہ کے ساتھ اشتراک عمل پر زوردیا ہے۔
انہوں نے یہ بات ترکیہ کی PEGASUS ائیر لائنز کے چیئرپرسن MEHMAT T NANE سے جمعہ کے روز اسلام آباد میں ملاقات میں کہی ۔
MEHMAT T NANE نے ملاقات کے دوران ترکیہ کی ہوا بازی کی حکمت عملی کاجائزہ پیش کیا اور ایسے اہم پہلوئوں کو اجاگر کیا جن سے پاکستان کے ہوا بازی کے شعبے کو فائدہ ہوسکتا ہے۔
انہوں نے اس امر پر بھی تفصیلی روشنی ڈالی کہ پاکستان اپنی ہوا بازی کی صنعت کی ترقی کیلئے ترکیہ کے تجربات اور مہارت سے کیسے استفادہ کرسکتا ہے ۔
یہ ملاقات ہوا بازی سمیت مختلف شعبوں میں پاکستان اور ترکیہ کے درمیان تعلقات مستحکم کرنے کی حکمت عملی کا حصہ ہے ۔