نائب وزیراعظم اور وزیر خارجہ محمد اسحاق ڈار نے جمہوریہ ازبکستان کے وزیر خارجہ Saidov Bakhtiyor Odilovich سے ٹیلیفون پر بات چیت کی ہے۔

اس دوران انہوں نے ازبکستان، افغانستان، پاکستان ریلوے لائن منصوبے کے حوالے سے کابل میں حالیہ مذاکرا ت کے بارے میں تبادلہ خیال کیا۔

اسحاق ڈار نے امید ظاہر کی کہ اس اہم علاقائی رابطہ منصوبے کیلئے فریم ورک معاہدے پر تینوں ممالک جلد دستخط کریں گے۔

دونوں رہنماؤں نے دوطرفہ تعلقات کو مضبوط بنانے، معاشی و تجارتی رابطے بڑھانے، عوام کے درمیان تعلقات کو فروغ دینے کے طریقوں اور حالیہ علاقائی و بین الاقوامی امور پر بھی تبادلہ خیال کیا۔